【#第一文档网# 导语】以下是®第一文档网的小编为您整理的《梧州话特色词汇》，欢迎阅读！
梧州话特色词汇 广西梧州，乃两广通衢，交通要塞，自古与粤文化融为一体，清末民初更有大批广东人到此搵食。当其时甚至称其为“小香港”，因其地形特点、城市建筑格局及人文环境确与民国时期嘅香港有几分相似之处。 当地方言梧州话保存咗唔少古汉语特征，口音与广州话有七八成相似，而当地一啲特有词汇却系广州话冇嘅。余自细接触广东四乡及广西桂东南一带民众较多，尤其系梧州人，故此将平时搜集返嚟嘅几个有代表性嘅梧州话特色词语列举如下，以飨诸位乡亲—— 伏鸡蒙——即系广州话嘅“伏匿匿”，捉迷藏之解。睇字面容易理解，不作解释。 老湿——相当于广州话嘅“哗鬼”、“僆仔”之类，对细路仔一种带戏谑色彩嘅称呼。此讲法为当地新兴讲法，大概系十几廿年间嘅事情。 冇知——即系广州话嘅“唔知”，“冇”当地音若“某”。此讲法流行于粤西及桂东南嘅粤语区。何以“冇”、“唔”相通呢？皆因广州话嘅“唔”实乃“冇”（本字应为“无”，“冇”为自造字）嘅变音，声母同韵母脱离开来嘅情况。按此，“冇知”其实更为地道表达出原意。当地更有“冇有”表达“冇”嘅意思，搞到部分广东人一头雾水，唔知佢哋讲有抑或冇。 足卒——即系蟋蟀，“卒”当地音若“质”。何以为“足卒”？余尚未考究清楚，据初步推测可能为“促织”嘅变音，《聊斋志异》亦有《促织》之篇目。 阿碌人（佬）——相当于广州话嘅“嗰条友”，带些少轻蔑色彩嘅称呼。“阿”即“嗰”，用作指示代词，此讲法据余所知流行于顺德、佛山、桂东南一带。而指示代词中，喺顺德、佛山话中更有“佬”嘅讲法，未知与粤西湛江口音之“lo1”系咪同源；广州话祇有“阿边个”嘅讲法，其它指示代词一律采用“嗰”嚟表达。 嵌返埋——相当于广州话嘅“佮返埋”。物品损坏或分离以作维护之动作当地话曰嵌。不过广州话亦有“凼返埋”嘅讲法，发音近似。 聊——即系玩。暂时未知此字嘅正字写法，现妄据音近姑且推断其写为“聊”，其发音若“leu2”。将玩讲成聊不为梧州话独有，佛山地区老一辈人亦有类似讲法。 粒儿——即系广州话嘅“啲咁多”，解作好少，“儿”发音若“衣”。 塞只——即系广州话嘅“几只”，个别嘅意思，用于表达一个群体事物其中一小部分。尚未考究“塞”嘅正字写法，暂以同音字代替。 鬼儿——即系细路，普遍用法，与老湿对应僆仔唔同，带亲昵语气。 舐——梧州话音若“失（或塞）”，“我冇舐你”即系类似广州话“我唔睬你”嘅意思，呢度借助咗“舐犊情深”嘅“舐”字，未知正字系咪噉，梧州话带“失/塞”音嘅词语较多，而且每个意思都唔同，比较有趣。 瓯——梧州附近农村如今重有用呢个古字作为“大碗、钵”嘅意思，可见当地农村闭塞，受外界语言影响甚少。 本文来源：https://www.dywdw.cn/c9883f5c804d2b160b4ec0a1.html
下载此文档
搜索文档
阅读：
文档下载
2022-10-09
